ភ្នំពេញ៖ គណបក្សភ្លើងទៀន និងគណបក្សឆន្ទៈខ្មែរ បានពិភាក្សានិងសម្រេចគ្នាចូលរួមជាគណបក្សតែមួយ សម្រាប់ការបោះឆ្នោតនាអាណត្តិក្រោយក្នុងឆ្នាំ២០២៣ ខាងមុខនេះ។
សេចក្ដីថ្លែងការណ៍របស់គណបក្សភ្លើងទៀន ចុះថ្ងៃទី០៤ ខែតុលា ឆ្នាំ២០២២នេះ ឱ្យដឹងថា ក្រោយបានធ្វើការពិភាក្សាគ្នាជាបន្តបន្ទាប់រវាងថ្នាក់ដឹកនាំជាន់ខ្ពស់នៃគណបក្សភ្លើងទៀន និងគណបក្សឆន្ទះ បានសម្រេចរួមគ្នាជាគណបក្សតែមួយ។
សេចក្ដីថ្លែងការណ៍ដដែល ឱ្យដឹងថា គណបក្សឆន្ទះខ្មែរ បានសម្រេចចិត្តមិនដាក់បញ្ជីបេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រ អាណត្តិទី៧ ឆ្នាំ២០២៣ឡើយ ដោយបានសម្រេចចូលរួមជាមួយគណបក្សភ្លើងទៀន ជាគណបក្សតែមួយ។
ក្នុងនោះ គណបក្សភ្លើងទៀន បានបង្ហាញការស្វាគមន៍ចំពោះវត្តមានរបស់ អតីតស្ថាបនិកគណបក្សជាតិខ្មែរ លោក គង់ គាំ និងជាអតីតប្រធានគណបក្ស សម រង្សី ដែលបច្ចុប្បន្នជាប្រធានកិត្តិយសគណបក្សឆន្ទះខ្មែរ ក្នុងការសម្រេចចូលរួមជាមួយគណបក្សភ្លើងទៀន។
គួរឱ្យដឹងថា លោក គង់ គាំ នឹងមានតួនាទីជាឧត្តមទីប្រឹក្សារបស់គណបក្សភ្លើងទៀនផងដែរ៕
